Explorar la SRG SSR cun «Metro»

«Metro» maina da staziun a staziun als temas interessants ed impurtants da savair en e davart la Societad svizra da radio e televisiun SRG SSR. Ins vegn a savair, pertge che la SSR ha bain in'incumbensa publica e n'è tuttina nagin institut dal dretg public. Ins emprenda ad enconuscher la furma d'organisaziun unica da la SSR e vesa tge finamiras che la SSR ha en l'avegnir. «Metro» è in instrument per persunas che han gugent infurmaziuns spertas, ma era per quellas che vulan savair insatge pli precis. «Metro» s'adressescha a novs collavuraturs, ma era «veglias vulps» pon anc scuvrir l'ina u l'autra chaussa davart la SSR. Era persunas che na lavuran betg tar la SSR, èn natiralmain envidadas cordialmain d'emprender ad enconuscher meglier la SSR a maun da «Metro». L'emprima staziun da mintga lingia infurmescha cun in pled davart ils pli impurtants fatgs. La segunda staziun sa profunda gia pli fitg en in tema. En la staziun trais chatt'ins infurmaziuns detagliadas e tgi che clicca sin la quarta staziun arriva a las unitads d'interpresa Radiotelevisione svizzera (RSI), Radiotelevisiun Svizra Rumantscha (RTR), Radio Télévision Suisse (RTS), Schweizer Radio und Fernsehen (SRF) e swissinfo (SWI).

La Societad svizra da radio e televisiun – ina societad unica

Tuttina sco organisaturs da radio cun in'incumbensa publica cumparabels en auters stadis democratics, s'orientescha era la SSR a l'idea directiva dal service public. Cuntrari a blers n'è ella però betg in institut dal dretg public, mabain ina societad. Questa societad consista da las quatter societads regiunalas SRG Deutschschweiz, Société de radiodiffusion et de télévision de la Suisse romande, Società cooperativa per la Radiotelevisione svizzera di lingua italiana e SRG SSR Svizra Rumantscha cun totalmain 23 700 commembers. La finamira da la societad SSR è da manar l'interpresa cun il medem num da maniera che l'incumbensa definida da la lescha e da la concessiun vegnia realisada.

L'interpresa SSR è furmada da maniera federalistica. En las tschintg unitads d'interpresa RSI, RTR, RTS, SRF e SWI, en la direcziun generala ed en las societads affiliadas produceschan circa 6000 emploiads 17 programs da radio e 7 programs da televisiun. La svieuta annuala munta ad 1,6 mia. francs. 75 pertschient da la finanziaziun deriva da daners da taxas, il rest sto vegnir gudagnà cun l'activitad commerziala.

Societads affiliadas: Technology and Production Center Switzerland AG SWISS TXT AG Telvetia SA Direcziun generala swissinfo.ch Schweizer Radio und Fernsehen Radio Télévision Suisse Radiotelevisiun Svizra Rumantscha Radiotelevisione svizzera Comité directiv Directur general Regionalrat, Regionalvorstand, SRG.D, Publikumsrat, Ombudsstelle Conseil régional, Comité régional, RTSR, Conseil du public, Organe de médiation Radunanza generala, Cussegl regiunal, Suprastanza , SRG.R, Cussegl dal public, Organ da mediaziun Assemblea generale dei soci, Consiglio regionale, Comitato, CORSI, Consiglio del pubblico, Mediatore Radunanza da delegads Cussegl d'administraziun Revisiun interna Uniun SRG SSR Interpresa SRG SSR