Explorar la SRG SSR cun «Metro»

«Metro» maina da staziun a staziun als temas interessants ed impurtants da savair en e davart la Societad svizra da radio e televisiun SRG SSR. Ins vegn a savair, pertge che la SSR ha bain in'incumbensa publica e n'è tuttina nagin institut dal dretg public. Ins emprenda ad enconuscher la furma d'organisaziun unica da la SSR e vesa tge finamiras che la SSR ha en l'avegnir. «Metro» è in instrument per persunas che han gugent infurmaziuns spertas, ma era per quellas che vulan savair insatge pli precis. «Metro» s'adressescha a novs collavuraturs, ma era «veglias vulps» pon anc scuvrir l'ina u l'autra chaussa davart la SSR. Era persunas che na lavuran betg tar la SSR, èn natiralmain envidadas cordialmain d'emprender ad enconuscher meglier la SSR a maun da «Metro». L'emprima staziun da mintga lingia infurmescha cun in pled davart ils pli impurtants fatgs. La segunda staziun sa profunda gia pli fitg en in tema. En la staziun trais chatt'ins infurmaziuns detagliadas e tgi che clicca sin la quarta staziun arriva a las unitads d'interpresa Radiotelevisione svizzera (RSI), Radiotelevisiun Svizra Rumantscha (RTR), Radio Télévision Suisse (RTS), Schweizer Radio und Fernsehen (SRF) e swissinfo (SWI).

Organisaziun e structura da RSI, RTR, RTS, SRF e SWI

Radiotelevisione svizzera (RSI)

RSI è l'unitad d'interpresa da la SSR en la Svizra taliana. 1155 collavuraturs (1039 plazzas cumplainas) produceschan cuntegns per trais programs da radio, dus programs da televisiun e diversas purschidas da multimedia.

  • L'organisaziun da RSI

    Organigrams da la direcziun e da tut ils secturs che cuvran tut: il program e l'elavuraziun da maletgs, las novitads, la cultura, il sport, il divertiment, la communicaziun, las operaziuns, il persunal, las finanzas, l'administraziun ed il svilup da l'interpresa.

    Organigramma

  • RSI en cifras e fatgs

    RSI è l'unitad d'interpresa da la SSR en la Svizra taliana. Circa 1200 collavuraturs produceschan cuntegns per trais programs da radio, dus programs da televisiun e diversas purschidas da multimedia.Las cifras, las datas ed ils fatgs ils pli impurtants davart RSI en in'egliada: la structura d'interpresa, la purschida, il public, ils meds finanzials, ils collavuraturs, ma era la plivalur per l'economia svizra, la contribuziun a la cultura e bler dapli.

    24 cifre per raccontare la RSI - 2016

Radiotelevisiun Svizra Rumantscha (RTR)

RTR è in'unitad d'interpresa da la SSR cun il studio principal a Cuira. En 131 plazzas cumplainas lavuran 167 persunas en tut la Svizra rumantscha per noss public.

  • Incumbensas ed organisaziun da la direcziun RTR

    La direcziun RTR è il gremi directiv suprem da l'interpresa. Sias incumbensas èn surtut:

    1. determinar e realisar la strategia da RTR per mauns dal directur general,
    2. organisar e sviluppar instruments da gestiun da RTR,
    3. procurar che las finamiras da l'interpresa vegnian cuntanschidas.

    Qua chattais Vus l'organigram da RTR.

    Organigram RTR

Radio Télévision Suisse (RTS)

RTS porscha cuntegns sin quatter programs da radio, dus programs da televisiun e pliras plattafurmas interactivas. RTS sa drizza al public francofon en Svizra e sur TV5Monde ed il web a persunas da lingua franzosa a l'exteriur. Cun  1872 plazzas da lavur (1568 plazzas cumplainas) è l'interpresa domiciliada a Genevra e Losanna in dals leaders sin il martgà en la domena audiovisuala.

  • Broschuras d'interpresa RTS

    Il pli impurtant davart RTS en in'egliada cun in, dus clics: l'istorgia, l'organisaziun, ils programs ed ils ressorts al radio, televisiun e multimedia, l'emissiun en Svizra ed a l'exteriur, l'impurtanza da l'interpresa per la Svizra franzosa, in sguard davos las culissas, cifras.

    Portrait de la RTS

  • Organigrams

    RTS è sutdividì en quatter domenas da la purschida da programs

    • Programmes,
    • Actualité,
    • Ressources & Développement (cun multimedia ed archivs)
    • ed Opérations (cun producziun e servetsch tecnic).

    quatter domenas da sustegn

    • RH et Formation,
    • Finances et Logistique,
    • Marketing et Promotion,
    •  Affaires générales

    e duas domenas da direcziun

    • Communication d'entreprise e
    • Relations extérieures.

    Organigrams RTS

Schweizer Radio und Fernsehen (SRF)

SRF cun il studio principal a Turitg Leutschenbach è la pli gronda unitad d'interpresa da la SSR. Cun ulteriurs studios principals a Basilea, Berna e Turitg Brunnenhof e studios regiunals ad Aarau, Cuira, Lucerna e Son Gagl è SRF represchentà bain en la Svizra tudestga. 2110 collavuraturas e collavuraturs (1620 plazzas cumplainas) lavuran tar SRF.

  • L'organisaziun da SRF

    Il chapitel «Organisaziun» sin srf.ch preschenta las diversas partiziuns ed ils manaders da las partiziuns correspundents che furman la direcziun generala da SRF ensemen cun il directur. L'organigram da SRF chatt'ins qua sco PDF.

    Organisation auf srf.ch

  • SRF sa preschenta

    Il chapitel «Purtret Schweizer Radio und Fernsehen» cuntegna sper il curt clip da l'interpresa realisaziuns davart la varietad da programs, davart l'enragischaziun en las regiuns d'emissiun da SRF e davart l'integraziun en la structura da la SSR e da sia purtadra.

    Porträt SRF

swissinfo.ch (SWI)

SWI ademplescha dapi passa diesch onns l'incumbensa d'infurmaziun a l'exteriur dada da la Confederaziun e cumplettescha uschia ina purschida online da las staziuns da radio e televisiun da la SSR. Il servetsch internaziunal da la SSR sa drizza oz en emprima lingia ad in public interessà per la Svizra sco er a las Svizras ed als Svizzers a l'exteriur.

Dapi il 2013 rapporta SWI er en russ – ultra d'englais, tudestg, franzos, talian, spagnol, portugais, chinais, arab e giapunais – e cuntanscha uschia passa 80% dals utilisaders da l'internet en tut il mund. SWI ha ina sedia a Berna (sez principal), a Genevra ed a Turitg. Ulteriuras plazzas da lavur sa chattan en il center da medias da la Chasa federala.