Qualitad e professiunalitad da RSI, RTR, RTS, SRF e SWI
Radiotelevisione svizzera (RSI)
RSI è l'unitad d'interpresa da la SSR en la Svizra taliana. 1155 collavuraturs (1039 plazzas cumpainas) produceschan cuntegns per trais programs da radio, dus programs da televisiun e diversas purschidas da multimedia.
Directivas publicisticas
Lavurar per RSI, tge signifitga quai? Tge tenuta vegn spetgada dals collavuraturs en connex cun la politica, las finanzas, la societad e la cultura? Co sa cuntegna in schurnalist da RSI durant sia lavur quotidiana, nua ch'el vegn savens confruntà cun temas difficils en secturs sensibels? Tge caracterisescha la lavur multimediala? Las respostas chattais Vus qua en quatter chapitels, ina survista davart tut las reglas che valan en il service public audiovisual, la charta da program e la Decleraziun da las obligaziuns e dals dretgs da schurnalistas e schurnalists.
Carta dei dibattiti RSI
Co garantir che las discussiuns al radio ed a la televisiun èn da gronda qualitad? Co gidar il public ad ordinar puncts da vista ed opiniuns? Co mainan moderaturas e moderaturs debattas vivas per che tuts, era quels che represchentan in'opiniun nunpopulara, han la pussaivladad da vegnir a pled? Co dattan els in rom correct a la discussiun ch'è adattà per tut ils giasts? Respostas dat la «Carta dei dibattiti RSI».
Observaziun dal program
Qualitad n'è betg ina mesira subjectiva. Ins la po inditgar cun parameters unifitgads definids cleramain. La concessiun SRF prescriva che qualitad sa distingua tras «autenticitad, senn da responsabladad, relevanza e professiunalitad schurnalistica». Il management da qualitad da RSI vegn garantì a maun dad in'atgna partiziun e da monitoring da la purschida cuntinuà.
Profils professiunals tar RSI
RSI n'occupa betg mo moderaturas e reschissurs, schurnalistas ed operaturs da cameras: a Besso e Comano lavuran tecnicists dal tun, montadras, grafichers, cusunzas, scrinaris, artistas da make-up, redacturs da multimedia, scenaristas, cineasts da video ed anc blers auters. Var 60 professiuns èn represchentadas. La cumposiziun dat ina survista da tut las professiuns e tut ils profils da pretensiuns en il sectur dal radio e da la televisiun. Bleras èn fitg tecnicas e na pudessan betg vegnir pratitgadas en la Svizra taliana senza RSI.
Radiotelevisiun Svizra Rumantscha (RTR)
RTR è in'unitad d'interpresa da la SSR cun il studio principal a Cuira. En 131 plazzas cumplainas lavuran 167 persunas en tut la Svizra rumantscha per noss public.
Criteris da qualitad da RTR
La concessiun menziuna quatter dimensiuns da qualitad surordinadas per la SSR: relevanza, autenticitad, senn da responsabladad e professiunalitad schurnalistica. Ultra da quests standards naziunals s’orientescha RTR tenor ils criteris da qualitad e las directivas publicisticas da SRF.
Controlla da qualitad tar RTR
Per ch'ils programs e cuntegns da RTR correspundian a la qualitad che vegn pretendida da la concessiun che la Confederaziun surdat, dovri ina controlla permanenta dals products. Ils statuts per il management da qualitad èn in dals instruments per la controlla.
Radio Télévision Suisse (RTS)
Radio Télévision Suisse (RTS) porscha cuntegns via quatter programs da radio, dus programs da televisiun e pliras plattafurmas interactivas. RTS sa drizza al public francofon en Svizra e sur TV5Monde ed il web a persunas da lingua franzosa a l'exteriur. Cun 1872 plazzas da lavur (1568 plazzas cumplainas) è l'interpresa domiciliada a Genevra e Losanna in dals leaders sin il martgà en la domena audiovisuala.
Process da qualitad
Management da qualitad
Directivas publicisticas e valurs
Directivas per raits sociala
*Lavurar tar RTS
Schweizer Radio und Fernsehen (SRF)
SRF cun il studio principal a Turitg Leutschenbach è la pli gronda unitad d'interpresa da la SSR. Cun ulteriurs studios principals a Basilea, Berna e Turitg Brunnenhof e studios regiunals ad Aarau, Cuira, Lucerna e Son Gagl è SRF represchentà bain en la Svizra tudestga. 2110 collavuraturas e collavuraturs (1620 postas cumplainas) lavuran tar SRF.
Qualitad da SRF
Il chapitel «Qualitad» sin srf.ch dat ina survista da las pli impurtantas normas e directivas per l'orientaziun da SRF e declera il sistem da management da qualitad da SRF.
Directivas publicisticas
Las Directivas publicisticas da SRF – il catalog da normas extendì per tut las redacziuns schurnalisticas da SRF.
Profils da jobs tar SRF
Il chapitel «Purtrets da professiun» preschenta ils profils e las pretensiuns dad indesch differents jobs, per gronda part cun intervistas cun titulars d'ina plazza tar SRF – dal designer, il redactur da cultura fin a la moderatura.
swissinfo.ch (SWI)
SWI ademplescha dapi passa diesch onns l'incumbensa d'infurmaziun a l'exteriur dada da la Confederaziun. Il servetsch internaziunal da la SSR sa drizza oz en emprima lingia ad in public interessà per la Svizra sco er a las Svizras ed als Svizzers a l'exteriur. Dapi il 2013 rapporta SWI er en russ – ultra d'englais, tudestg, franzos, talian, spagnol, portugais, chinais, arab e giapunais.
SWI ha ina sedia a Berna (sez principal), a Genevra ed a Turitg. Ulteriuras plazzas da lavur sa chattan en il center da medias da la Chasa federala.
Qualitad da SWI
Die Konzession umfasst vier übergeordnete Qualitätsdimensionen für die SRG: Relevanz, Glaubwürdigkeit, Verantwortungsbewusstsein und journalistische Professionalität. Neben diesen nationalen Standards richtet sich SWI nach den
Management da qualitad
Damit die Programme und Inhalte von SWI der Qualität entsprechen, die von der Bundeskonzession vorgegeben wird, braucht es eine permanente Produktkontrolle. Die Statuten für das Qualitätsmanagement sind eines dieser Kontrollinstrumente
Directivas publicisticas